Dinamo do të blejë sulmuesin e Mançester U? Reagon Haris Fakic

Drejtori sportiv, ish-strategu i Skënderbeut të dekadës së sukeseve të mëdha, Haris Fakic ka nisur një projekt të ri me Dinamo City.

Për shkak të idesë ende në letër që mund ta fusë klubin në orbitën e projektit “City”, Dinamo është lakuar si klubi i mundshëm në ndjekje të Mason Greenwood. 22-vjeçari i Manchester United aktualisht është përjashtuar nga skuadra e kuqe dhe gjatë ditëve të fundit është përmendur nga mediat britanike për interesimin e një klubi shqiptar por Fakic ka një përgjigje të qartë.

E vetmja skuadër që ka treguar interes në këtë fazë dhe do të paraqesë një lëvizje të mundshme për Greenwood vjen nga Shqipëria, por akoma e paidentifikuar”, shkruan sot  Daily Express.

Djajtë e Kuq konfirmuan në fillim të kësaj jave se do të ndaheshin me Greenwood pas një hetimi të gjatë gjashtë-mujor mbi veprimet e tij. Ai nuk ka luajtur për klubin që nga arrestimi i tij në janar 2022 për një sërë akuzash të rënda seksuale, duke përfshirë tentativë përdhunimi, sjellje kontrolluese dhe sulm.

Dhe ndërsa Shërbimi i Prokurorisë Mbretërore hoqi të gjitha akuzat kundër tij në shkurt të këtij viti pas tërheqjes së një dëshmitari kyç, Manchester United ka vendosur që, në peshën e protestës publike kundër lojtarit – ai nuk mund të integrohet përsëri në skuadrën e tyre.

Por Fakic ka një përgjigje të qartë: kjo është një garë e mediave online më shumë se sa një lajm që duhet besuar.

Gijotina.com/