Ka përfunduar përballja mes Tiranës dhe Dinamos, në takimin e vlefshëm për javën e 8të të Superligës Shqiptare.
Nje përballje mjaft e luftuar që në minutat e para me Dinamon që e nisi vrullshëm menjëherë duke rrezikuar portën bardheblu, por kaq mund të themi sa i përket miqve, pasi Tirana dominoi të gjithë pjesën e mbetur të takimit.
Rezultati do të zhbllokohej në minutat e fundit të pjesës së parë, falë goditjes së Seferit, dhe devijimit të topit nga Sidibe, që shkakton autogol, për ti dhënë Tiranës avantazhin e pjesës së parë.
Në minutën e 56’ Xhixha do të gjente sërisht rrjetën falë një aksioni ku përfiton nga gabimet e përsëritura të Sidibes së Dinamos, duke dyfishuar avantazhin, për të shënuar sërish pak minuta më pas për dopietën, me shifrat që shkojnë në 3-0.
Minutat e fundit do të gjenin Tiranën duke organizuar një aksion tjetër spektakolar, me Hotin që i jep goditjen e “knock-out” Dinamos, duke e ngriur tifozerinë bardheblu në peshë.
Pas këtih triumfi, Tirana forcon pozitat e saj në kreun e tabelës së Superligës Shqiptare, duke marrë ‘arratinë’ nga ndjekësit më të afërt.
Discussion about this post