Sezoni i ri i Kategorisë Superiore është akoma më pranë, dhe ekipet që nuk janë të impenjuara në Europë, po bëjnë provat e fundit në mënyrë që starti i kampionatit të mos t’i kapë të papërgatitura.
Një nga këto ekipe është dhe Dinamo e Tiranës/Dinamo City, që ditën e sotme ka zhvilluar një ndeshje miqësore ndaj një skuadre që synon të jetë pjesëmarrëse në elitën e futbollit shqiptar pas shumë vitesh mungesë.
Dinamo dhe Akademia e Futbollit Elbasani kanë zhvilluar një ndeshje miqësore këtë të premte, e cila është mbyllur me barazimin 2-2. Takimi është zhvilluar në stadiumin e Librazhdit, me skuadrat që vazhdojnë përgatitjet për sezonin e ri.
“Blutë e kryeqytetit” zhbllokuan sfidën që në minutën e 5’ me “ish-Tironsin” Behiratche, ndërsa avantazhin e ruajtën deri në minutën e 66’, kur Elbasani barazoi me Kasën.
Megjithatë vetëm dy minuta më pas, 18 herë kampionët e Shqipërisë rimorën avantazhin me Hoxhën dhe takimi vijoi me rezultatin 2-1 deri në fund të kohjës së rregullt, me Elbasanin që barazoi me Lleshin, për ta mbyllur në fund sfidën me barazimin 2-2.
Dinamo këtë sezon do të luajë në Kategorinë Superiore, teksa Elbasani siguroi ngjitjen në Kategorinë e Parë.
Discussion about this post