Skuadra e Dinamos kalon në çerekfinale të Kupës së Shqipërisë. Dinamovitët u mundën nga Tirana në ndeshjen e kthimit por u treguan më të saktë nga ruleta e penalltive. Portieri Bakaj ishte heroi i Dinamos duke pritur tre penallti teksa gjithsej u goditën 20 penallti. Në fazën tjetër Dinamo do të përballet me Partizanin. Sfida ishte e luftuar nga të dyja skuadrat. Gjumsi realizoi golin e vetëm në pjesën e parë për skuadrën e Tiranës teksa në të dytën realizoi Limaj nga pika e bardhë e 11 metërshit duke mposhtur portierin Bakaj.
Sfida startoi vrullshëm mes dy skuadrave që u vendosën menjëherë në kërkim të golit. Gjyqtari Eldorian Hamiti nxorri menjëherë tre kartona të verdhë fillimisht Najdovskit e më pas Samakes dhe Siljanovskit.
Dinamo nuk i rezistoi presingut të Tiranës që gjeti dy herë rrugën e rrjetës, mjaftueshëm për të dërguar skuadrat në kohën shtesë. Nga ana tjetër Dinamo bëri shumë në këtë sfidë dhe gaboi në strategjinë për të ndalur rivalët e kryeqytetit. Megjithatë në ruletën e penalltive skuadra e trajnerit Bledi Shkëmbi u tregua më e saktë.
RULETA E PENALLTIVE
Shënon Ibraimi
Gabon Limaj
Shënon Mihanaj
Shënon Ismajlgeci
Gabon Gavazaj
Shënon Seferi
Shënon Maliqi
Gabon Xhixha
Gabon Demiri
Shënon Hoti
Shënon Imami
Shënon Totre
Shënon Shofranac
Shënon Beshiraj
Shënon Bakaj
Shënon Bekaj
Shënon Samake
Shënon Behiratche
Shënon Daiaj
Gabon Toshevski
Discussion about this post