Sezonin e ri Dinamo e Tiranës do jetë sërish pjesë e Superligës Shqiptare. Drejtuesit e Bluve kanë vendosur që një pjesë e fazës përgatitore të zhvillohet në Itali, me klubin e dytë të Shqipërisë që do luajë edhe tre miqësore me skuadrat e kampionatit elitar italian.
Mësohet se në datat 3 dhe 7 gusht, trajneri Dritan Mehmeti do ketë mundësinë të shohë skuadrën e tij në aksion kundër Modenës dhe Veronës.
Veç tyre, Dinamo po negocion edhe një miqësore të tretë, që do jetë kundër Sassuolos ose Cagliarit.
Kështu, Dinamo është duke ‘ndezur motorët’ për sezonin e ri.
Veç emrave si Marku, Hoxha apo Kaçori, te Blutë janë drejt zyrtarizimit edhe të Behiratche, Kapllanit, Lorran apo edhe Salit në portë.
Blutë e Kryeqytetit, do kërkojnë që të evitojnë dështimin e sezonit 2021-2022, ku në rikthimin e tyre, të parë, në elitë, pas më shumë se një dekade, e mbyllën kampionatin, duke zbritur nga kategoria, pas miliona lekësh investime, në merkato.
Discussion about this post