Vijon në të dytën ditë protesta kundër rritjes së çmimeve në Tiranë. Mes figurave të shumta të shoqërisë civile apo edhe qytetarëve, i është bashkuar dhe pedagogu Jani Marka. Ai akuzoi klasën politike se po i vjedhin dinjitetin popullit shqiptar, ndërsa premtoi se nuk do të dorëzohen, por do të vazhdojnë të protestojnë.
Disa shkojnë në hotelet e Dubait tha ai, ndërsa shqiptarët diskutojnë për një thes miell.
“Këta këtu ja kanë vjedhur dinjitetin popullit shqiptar. Na thonë jemi në krizë, por po mendoja që kriza nuk është inflacioni, por pabarazia.
Disa gdhihen në restorantet e Dubait, ndërsa në Shqipëri diskutojnë një thes me miell. Disa janë 7 vila, të tjerët nuk kanë strehë.
Oligarkët kanë avionë privat, ndërsa shqiptarët mezi blenë abonenë. Kriza është pabarazia.
Unë ju jap një premtim, që ne nuk dorëzohemi dhe do luftojmë për të kthyer dinjitetin me protesta.
Ne nuk dorëzohemi dhe do kthejmë besimin e qytetarëve tek protestat”, tha Markaj.
Discussion about this post