Shkëlzen Rustami ka qenë në krye të stolit të Kastrioti në ndeshjen me Laçin, Në mungesë të Ramadan Ndreut, i pezulluar për 12 javë.
Pas disfatës 2-0 ndaj kurbinasve, zëvendëstrajneri i krutanëve evidentoi problemet me organikën dhe deklaroi se pret që skuadra të përforcohet në janar.
“Duke parë formën mjaft të mirë të Laçit, e kishim menduar që në pjesën e parë të ishim pak më të kujdesshëm. Mungoi agresiviteti, por jo dëshira për të bërë mirë. Morëm një gol për mungesë përqendrimi në pjesën e parë, ndërsa më pas ndryshuam dhe morëm kontrollin e lojës, por u ndëshkuam në momentin më të mirë tonin. Megjithatë kjo është diferenca mes dy ekipeve, pasi Laçi u tregua racional dhe nuk fali në rastet që pati, ndërsa ne shpërdoruam shumë.”-tha ai.
Ndërsa Kastrioti vijon të rrënohet gjithmonë e më shumë duke kaluar vetëm disfata të një pas njëshme./K.T/Gijotina.com
Discussion about this post