Dita e dytë e vizitës, Rama takohet me Bill Clinton në “Vilën 30” në Tiranë

Kryeministri Edi Rama ka takuar ish-Presidentin e SHBA, Bill Clinton, në ditën e dytë të vizitës së tij në Shqipëri.

Sipas burimeve, takimi është duke u zhvilluar në “Vilën nr. 30” në Tiranë, në rezidencën qeveritare pranë Kuvendit.

Ish-presidenti i SHBA, Bill Clinton ndodhet në Shqipëri në një vizitë zyrtare të nisur pasditen e djeshme me një pritje solemne prej aeroportit “Nënë Tereza” dhe më pas në një ceremoni në bulevardin “Dëshmorët e Kombit”, ku ishin të pranishëm edhe qytetarë të shumtë.

Presidenti i 42-të i SHBA-ve u vlerësua dje me titullin e nderit “Kordoni i Madh me Yll të Mirënjohjes Publike”.