Deputetja e Lëvizjes Socialiste për Integrim, Erisa Xhixho, ka ndarë një mesazh me rastin e Ditës kombëtare Rinisë. Xhixho ka publikuar në Facebook dy foto që krahasojnë protestat e studentëve në dhjetor ’90 dhe dhjetor 2018.
Xhixho shkruan në Facebook se ndjen trishtim kur sheh se mbi 80% e të rinjve duan të largohen nga vendi, ndërsa shton se zgjidhje është rikthimi i shpresës.
“Sot pas 3 dekadash ndjej trishtim kur shoh që rinia e vendit tim mbi 80% e tyre e shohin të ardhmen larg atdheut. Ne duhet t’i rikthejmë besimin rinisë tek vendi i tyre e kjo nuk bëhet as me propagandë as me fjalë por me vendimmarrje të forta sepse i kemi një borxh shumë të madh atij brezi idealistësh që duhet ta shohin Shqipërinë e tyre të zhvilluar, me mundësi punësimi mbi bazën e meritës dhe dijeve, të sigurt për fëmijët e tyre dhe sfiduese, dinjitoze. Mirënjohje rinisë studentore të viteve 90 dhe vlerave aq të çmuara që ata mbartnin e që misioni ynë mbetet t’i gdhendim brenda nesh e t’i çojmë përpara ëndrrën e tyre. Ja kemi këtë borxh”, shkruan Xhixho.
Discussion about this post