Komisionin i Pavarur i Kualifikimit i ka gjetur një sërë problemesh me pasurinë gjyqtarit Nazmi Troka. Gjatë seancës komisioni ka cilësuar si shkelje të hapur që Troka përfitonte të ardhura edhe si gjyqtar, por edhe si fermerë. Ndërsa ka konstatuar se Troka ka deklaruar të ardhura marramendëse, që sipas tij i ka përfituar nga pemëtaria dhe bujqësia, në shumën totale 7 milionë lekë. Por, sipas komisionit, nga përllogaritjet e bëra është e pamundur dhe e pajustifikueshme nga ana e tij përfitim i këtyre shumave të mëdha.
Nga hetimi administrativ ka rezultuar se subjekti është pajisur edhe me NIPT në emrin e tij për ushtrimin e aktivitetit bujqësor. Troka ka deklaruara para Komisionit se ka arritur të provojë se e ka shfrytëzuar tokën bujqësore për pemëtari, se ka siguruar të ardhura, si dhe ka paguar rregullisht detyrimet, por për KPK këto shpjegim nuk janë të mjaftueshme. Madje, gjatë seancës u evidentuan mospërputhje mes vlerës së deklaruar nga subjekti si të përfituar nga aktiviteti bujqësor, me atë të konkluduar nga vlerësimi.
Nga analiza e të ardhurave nga bujqësia të deklaruara nga subjekti është konkluduar mungesë financiare për krijimin e tyre në shumën 4 milionë lekë. Ndërsa prej analizës financiare të përgjithshme për periudhën 1994-2016 është konkluduar pamundësi financiare në vlerën totale 7.6 milionë lekë. Ndërsa shtohet këtu fakti se Troka ka raportuar shifra të ndryshme në dy deklaratat e tij.
Në përfundim komisioni i qëndroi konstatimit se Troka nuk justifikon dot të ardhurat si fermerë, ndërsa la 4 nëntorin datën për marrjen e vendimit përfundimtar.
Discussion about this post