Fermat Shtetërore të cilat janë mbyllur që në vitin 1991 në Shqipëri, siç duket po rikthehen sërish.
Fondi Shqiptar i Zhvillimit po e “teston” në dy bashki të vendit këtë projekt, përkatësisht në Bashkinë Belsh, e cila e ka hedhur dhe hapin e parë dhe së shpejti do të zbatohet dhe në Bashkinë Kolonjë.
Investitorë nuk është Ministria e Bujqësisë, por Fondi Shqiptar i Zhvillimit.
Në njoftimin e shpallur nga Bashkia Belsh në bashkëpunim me Fondin Shqiptarë të Zhvillimit, ka hapur një tender për një Fermë Shtetërore, e cila do të shërbejë për mbjelljen e 44 hektarëve bimë medicinale.
Tenderi i cili është shpallur ditën e sotme (2 nëntor), mban numrin referencë REF-10080-11-01-2021 dhe ka një fond limit prej 35 259 507 lekë. Kontraktori do të garantojë dhe mirëmbajë cilësinë e punimeve dhe pajisjeve minimalisht për 1 vit.
Sipas objektit të kontratës, ndërhyrja bëhet për kultivimin e tokave bashkiake me drurë frutorë, arrorë dhe vreshta, etj. me qëllim përmirësimin e biodiversitetit, ekonomisë bujqësore si dhe për të rritur të ardhurat bashkiake dhe përmirësuar peisazhin rural.
Por çfarë janë fermat shtetërore?
Fermë shtetërore, të cilat kanë qenë në masë në ekonominë socialiste, është një ndërmarrje publike ku të gjitha mjetet e prodhimit i përkisnin shtetit dhe në këtë rast do ia japin Bashkisë. Drejtori emërohet nga një Komitet Ekzekutiv të Qarkut Lokal.
Të gjithë punëtorët marrin një pagë të caktuar sipas marrëveshjes dhe u konsiderohen si personel i sektorit të buxhetit.
Gijotina.com
Discussion about this post