Djali i Michael Jackson, Bigi, gjatë një interviste në Good Morning Britain, ku ka folur rreth babit të tij.
19-vjeçari, i cili më parë njihej si Blanket, është mbajtur kryesisht larg vëmendjes që kur babai i tij vdiq në vitin 2009.
Adoleshenti diskutoi për babanë e tij gjatë bisedës, duke thënë:
“Ka shumë histori në këtë shtëpi dhe studio këtu. Kjo ishte gjithçka ai kishte. Kjo është ajo që secili prej nesh dëshiron të bëjë dhe të bëjë gjëra që njerëzit mund t’i shijojnë dhe shpresojmë të përfitojnë nga jeta e tyre.”
Bigi foli gjithashtu për pasionin e tij për ambientalizmin përpara konferencës për ndryshimet klimatike COP26.
Ai tha: “Unë mendoj se është e rëndësishme që ne të gjithë të dimë për të. Mendoj se kemi disa punë për të bërë, por brezi ynë e di se sa e rëndësishme është kjo.”
Bigi ishte shtatë vjeç kur babai i tij ndërroi jetë nga arresti kardiak i shkaktuar nga një kombinim fatal i barnave të dhëna nga mjeku i tij.
Ai dhe vëllezërit e motrat e tij më të mëdhenj Prince, 24 vjeç dhe Paris, 23 vjeç, u rritën më pas nga gjyshja e tyre Katherine Jackson.
Bigi tani jeton në një shtëpi në Calabasas, Kaliforni, të cilën e bleu në fillim të marsit të vitit të kaluar.
