Skuadra e Liverpoolit ka një nga sulmet më të mira në qarkullim por tek skuadra angleze po mendojnë edhe për të ardhmen pasi futbollistë si Mane apo Salah nuk premtojnë shumë për shkak të moshës së tyre. Trajneri gjerman Jurgen Klopp po përpiqet të hedhë bazat për të ardhmen drejt suksesit. Sipas mediave angleze, skuadra e Liverpoolit ka piketuar yllin Harvey Barnes që aktivizohet tek Leicester City. 23 vjeçari ka treguar një nivel shembullor me “The Foxes”.
Në këtë sezon sulmuesi i talentuar ka shënuar vetëm një gol por duhet theksuar se pritshmëritë tek lojtari në fjalë janë shumë të larta. Liverpooli është i gatshëm t’i ofrojë sulmuesit një pagë të kënaqshme për të firmosur me të. Skuadra angleze kërkon që të jetë sa më konkuruese në të ardhmen dhe zëvendësimi i brezave është një punë që kërkon kohë dhe sakrifica.
