Pas arrestimit të Elvis Kelmendit në Bosnjë Hercegovinë, dalin detaje nga gjykimi i babait të tij Naseri në Kosovë. Biznesmeni nga Peja, Naser Kelmendi i akuzuar edhe për vepra tjera penale si trafikues ndërkombëtar i drogës dhe aktivitete të tjera kriminale po përballet me drejtësinë kosovare prej vitesh. Seanca e fundit gjyqësore ndaj tij është zhvilluar më 6 korrik të këtij viti.
Biznesmeni kosovar, Naser Kelmendi figuron në listën e zezë të SHBA-ve së bashku me djemtë e tij, Elvisin, Liridonin dhe Besnikun.
Gjatë asaj seance Besnik Berisha, avokat i Naser Kelmendit ka kërkuar që në atë gjykim të jenë të pranishëm sërish dëshmitarët Robert Leshdedaj, Isuf Hasanaj dhe Samir Kuqi, duke e cilësuar këtë si kërkesë imperative.
Ndaj biznesmenit kosovar rëndojnë një mori akuzash, ai është shpallur fajtor për trafik lëndësh narkotike. Por ishte shpallur i pafajshëm në akuzat për krim të organizuar dhe vrasje.
Kelmendi ka qenë edhe në lupën e drejtësisë së EULEX-it për akuza të krimit ndërkombëtar. Ndërsa, djemtë e tij, Elvisi, Liridoni dhe Besnku ndiqen edhe nga drejtësitë e vendeve të rajonit.
E për babai e tyre, në Kosovë Prokuroria kishte ngritur aktakuzë në korrik të vitit 2014.
Me vite ka vazhduar procesi gjyqësor ndaj tij, deri në shpalljen e fajësisë në vitin 2018.
Por ende nuk janë mbyllur të gjitha lëndët që rëndojnë mbi aktivitetin e Naser Kelmendit.
Si akuzë kryesore ndaj tij rëndojnë akuza specifike me kultivimin dhe shitjen e drogës dhe shpërndarjen jashtë territorit të Kosovës, duke përfshirë edhe vende të Amerikës Latine.
Discussion about this post