Gazetari sportiv, Gjergji Stefa, në emisionin Skaner u shpreh se drejtori sportiv i Vllaznisë, Matko Djarmati do të largohet nga kuq e blutë për të marrë një rol drejtuesi tek skuadra e Dinamos së kryeqytetit.
Nuk ka vonuar edhe reagimi nga Matko Djarmati, ku nëpërmjet profilit të tij në “Facebook”, ka përgënjeshtruar deklaratën e bërë nga Gjergji Stefa.
“Këtu bie të flesh dhe zgjohesh nga spekulime dhe imagjinatë gazetarësh. Më vjen keq që duhet të harxhoj kohën time në këtë situatë për ca iluzione.”, postoi Djarmati. Ish-futbollisti ka bërë një punë vuluminoze me skuadrën e Vllaznisë e cila ka lënë pas vitet e errëta duke u rikthyer në majën e futbollit shqiptar.
