Kryeministri Edi Rama ka reaguar me një postim në Twitter pas sherrit të ndodhur sot në Kuvend dhe kërkesën për përjashtimin e dy deputetëve të PD, Edi Paloka dhe Bujar Leskaj me pretekstin se ishin të dehur.
Lexo edhe Rama e “kërcënoi” në Kuvend, gjykata njofton gjyqin ndaj Salianjit
Ndërsa një ditë më parë shfryu vrer ndaj opozitës me gjuhë vulgare edhe ofendime, Rama sot shprehet se Paloka dhe Leskaj i ofenduan me “libër shtëpie” duke harruar të gjitha herët që ai vetë ka fyer opozitën.
“Pas 28 orësh seancë diskutimesh për buxhetin 2023 as PD, as PF dhe as PL(Partia e Lekut) nuk pranuan që ka luftë, nuk folën për asnjë lidhje mes luftës së Putinit, krizës së çmimit të energjisë dhe inflacionit të luftës, nuk thanë asnjë llaf për 1/2milionë USD të marra nga rusët! Seanca u mbyll me dy të dehur nga rruga e Foltores që shanë me libër shtëpie në emër të popullit dhe mbetën pa bërtitur “Shqipëria në Rrezik!” se harruan tekstin prej alkoolit! 3 parti bedelësh pa atdhe, pa din e as iman, me dy të shitur në ballë e dyzet të shkalafitur vërdallë!”, shkruan Rama.
Seanca u mbyll me dy të dehur nga rruga e Foltores që shanë me libër shtëpie në emër të popullit dhe mbetën pa bërtitur “Shqipëria në Rrezik!” se harruan tekstin prej alkoolit!Tre parti bedelësh pa atdhe,pa din e as iman, me tre të shitur në ballë e dyzet të shkalafitur vërdallë!
— Edi Rama (@ediramaal) November 10, 2022
Discussion about this post