Dje u vendosën, dëmtohen tabelat në gjuhën shqipe në veri të Kosovës

Shenjat zyrtare të vendbanimeve në gjuhën shqipe të vendosura gjatë ditës së djeshme në veri, janë dëmtuar.

Siç shihet në fotografinë e mëposhtme, është fshirë vetëm emri i vendbanimit në gjuhën shqipe.

Ministri i Infrastrukturës, Liburn Aliu, bëri me dije të enjten se ka marrë përsipër që në veri dhe në tërë territorin e Kosovës, të largohen të gjitha shenjat e komunikacionit të shtetit të Serbisë, duke zëvendësuar kështu me shenjat zyrtare të vendbanimeve konform ligjeve të Kosovës.

“Do të vazhdojmë edhe ditëve në vijim deri në zëvendësimin e të gjitha shenjave”, thuhej në postimin e ministrit Aliu.