Djegia e makinës në Allias, policia identifikon autorin

Policia ka identifikuar autorin e djegies së një makine në Allias të Tiranës.

Ngjarja, sipas efektivëve policorë, ka ndodhur për motive të dobëta.

“Më datë 21.03.2023, rreth orës 00:45, dyshohet se shtetasi T. Z., 33 vjeç, banues në Tiranë, i ka vënë zjarrin, për motive të dobëta, automjetit në përdorim nga shtetasi E. G., që ishte parkuar në afërsi të shkollës “Ramazan Jarani”.

Vijon puna për kapjen e shtetasit T. Z. dhe për sqarimin e plotë të rrethanave të ngjarjes. Materialet i kaluan Prokurorisë, për veprime të mëtejshme procedurale”, thuhet në njoftimin e policisë.