Detaje të reja janë zbuluar nga vrasja e 37-vjeçarit shqiptar në Greqi ditën e martë. Mediat greke shkruajnë se viktimë ka mbetur Marius Spiro Dhiamandi, si dhe u plagos kushëriri i tij i parë Juxhin Bajrami.
Gruaja e Mariusit, i cili në Greqi njihej si Marios, ishte shtatzënë me binjakë dhe rezulton pronare zyrtare e karburantit, që menaxhohej nga i shoqi. Policia është në pritje të dëshmisë së bashkëshortes së tij, ndërkohë që ka sekuestruar dhe kamerat e sigurisë që ndodhen përreth biznesit.
Marios nuk ishte një emër i panjohur për autoritetet greke, pasi ishte arrestuar më herët për vrasje në zonën e Kipselit dhe trafikim kokaine. Për këtë krim, shqiptari ende kishte detyrim paraqitje në Mykono. Dyshohet se 27-vjeçari i kishte borxh disa personave, vlera e së cilës përllogaritej diku te 200.000 euro.
Autorët e vrasjes së tij dyshohet se janë dy persona me origjinë shqiptare, ku pasi janë afruar pranë pikës së karburantit me një automjet, kanë shkëmbyer disa fjalë me shënjestrën. Pastaj me gjakftohtësi ata kanë nxjerr armën dhe kanë qëlluar ndaj tij duke e lënë të pajetë.
Në vendngjarje u gjetën dhe konfiskuan dy këllëfë 9 mm, të cilat janë dërguar në laboratorët e Drejtorisë së Hetimeve Kriminologjike për ekzaminime laboratorike dhe krahasuese.
Discussion about this post