Një ngjarje e rëndë kriminale është parandaluar sot nga Policia e Kavajës, teksa një person me inicialet A. P, ka kanosur se do të digjte me benzinë dy persona dhe ka plagosur me thikë shtetasin B.P.
Shërbimet e Komisariatit të Policisë Kavajë pas marrjes se njoftimit janë vënë në ndjekje të këtij shtetasi, i cili në fshatin Lekaj, në sheshpushimin e një karburanti, ka plagosur me thikë drejtuesin e mjetit si dhe kishte marrë peng shtetasin A. Sh., duke i marr më pas i ka marrë me forcë xhiron ditore prej 120.000 lekë të rinj, shitësit të karburantit, dhe ka kërcënuar se do të digjte karburantin.
Falë ndërhyrjes profesionale, kanë bërë të mundur neutralizimin dhe arrestimin në flagrancë të shtetasit A. P., 45 vjeç, për veprat penale “Kanosja”, “Plagosja e rëndë me dashje”, “Plagosja e lehtë me dashje”, “Vjedhja me dhunë”, “Heqja e paligjshme e lirisë” dhe “Prodhimi, mbajtja, blerja apo shitja pa leje e armëve të ftohta”.
Materialet procedurale i kaluan Prokurorisë pranë Gjykatës së Shkallës së Parë Kavajë, për veprime të mëtejshme.
Discussion about this post