Deputetja e PD-së Jorida Tabaku në një intervistë për Euronews Albania është shprehur se PD ndodhet sot në këtë betejë për shkak të vendimit që mori SHBA ndaj Sali Berishës, që e shpalli “Non Grata”.
Ajo theksoi se PD është sot e ndarë në tre pjesë duke theksuar se është e drejta e Berishës ta çojë betejën me SHBA deri në fund.
“PD ndodhet sot në këtë betejë për prej një vendimi të Amerikës. PD sot është e ndarë në tre pjesë dhe unë kam mbajtur një qëndrim parimor që atëherë dhe këtë qëndrim po mbaj dhe sot. Ajo që ndodhi me Berishën është e padrejtë, por ndodhi.
PD duhej të merrej me të, nuk mundej që të ndalonte. Në këtë betejë, Berisha nuk duhet tërhequr. Berisha e ka me SHBA dhe duhet të vazhdojë ta mbajë me SHBA.
Nuk është një gjë e lehtë. Secili prej nesh po bën llogari të karrierës personale duke mos çeduar në parime.
Fatkeqësia më e madhe në këtë periudhë për PD është se e kemi përdorur foltoren dhe Kuvendin për të sharë njëri-tjetrin dhe nuk ka pasur kënaqësi më të madhe se sa të shikoje Elisën me shokë dhe shoqe që kënaqeshin për dëmin vrastar që i bënim njëri-tjetrit.
Ne duhet ta fokusojmë betejën tonë me kundërshtarin”, tha Tabaku.
E pyetur se me kë do të kandidojë në zgjedhjet e ardhshme, me PD e Berishës apo të Bashës, Tabaku tha se nuk mund ta parashikojë se krahë kujt do të kandidojë në zgjedhjet e vitit 2025.
Pyetje: Po e mban Jorida Tabaku mirë me vjehrrën e mirë me burrin, me Saliun e Bashën?
Tabaku: Unë jam në pozitën më të vështirë nga të gjithë. Kam punuar me të dy. E kam dhënë dorëheqjen nga nënktyetare, për të treguar se nuk ka asgjë më të madhe vetijake se betejat e PD. Bashë është ulur mes meje e zotit Bardhi. Unë në PD jam rritur që fëmijë. Unë një pozicion në PD për herë të parë e ka marrë në gusht të vitit 2021. I kam bërë betejat pavarësisht çdo pozicioni. Kur për mua erdhi një pozicion në PD e konsiderova si detyrim e jo si privilegj. Kemi punuar të gjithë bashkë për të kulmuar në fushatën e 2021 për ta bërë PD fituese. Kam një komunikim normal me Bashën, megjithëse kam rreth një muaj pa folur.
Pyetje: Me kë kandidon Tabaku në 2025, me Berishën apo Bashën?
Tabaku: Tabaku ka 2 vite që thotë se PD duhet të kandidojë bashkë. Të shikojë se çfarë na bën ne më mirë, copëzat apo një ofertë e unifikuar dhe nuk do lodhem duke thënë se PD duhet të jetë një në zgjedhjet e vitit 2025. Unë nuk them dot që jemi mirë kur nuk jemi mirë. Por të ardhmen nuk e parashikojmë dot. Ka vetëm një grup parlamentar që mblidhet, nuk di të ketë mbledhje të dy grupeve. Nuk i gjykoj dot kolegët. Kërkesa ime ka qenë që ne duhet të kemi një ofertë unike në Parlament. Kam mbështetur Bardhin për kryetar grupi sepse ashtu ishte shumica e grupit.
Discussion about this post