Belind Këlliçi, anëtar i Kryesisë së PD-së dhe drejtues politik për Tiranën, tha në ‘Open’ se kur të vërtetat shqiptare thuhen në gjuhë të huaj, shqiptarët i validojnë, megjithëse këto të vërteta janë thënë nga opozita shqiptare.
Këlliçi tha se opozita nuk ka ndikim, sikundër përpiqet të mbrohet Edi Rama, në këtë reportazhin e RAI3, pasi ne si opozitë po censurohemi nga mediat shqiptare, jo më t’i imponohemi RAI3.
Ai shtoi se kur mori në telefon Edi Rama drejtuesit e RAI3 ka menduar se po merr Carlo Bolinon, që i ka dhuruar një tokë u do të ndërtohej një shkollë dhe që financohet nga inceneratorët.
Sipas tij, lidhjet e Engjëll Agaçit me Ndraghetan ka vite që fliten në Shqipëri.
Këlliçi tha se me aq informacione sa ka në rrugë informale RAI3 do të transmetojë dy puntata të tjera me skandale të tjera qeveritare.
“Duke qenë se marrëveshja për emigrantët, një favor i madh që i ka bërë Rama Melonit, kjo e fundit do ia kthente mbrapsht. Ata po punojnë për dy seritë në vijim të dokumentarit që do të jenë të mbushura me informacione dhe skandale të qeverisë. Duke qenë se Rama ka telefonuar drejtorin e RAI-t mendon se ka telefonuar Carlo Bollinon këtu për t’u bërë një televizion i propagandës së qeverisë.
Dokumentari përsëriste akuzat e opozitës, por se i ka bërë opozita nuk do të thotë se janë gënjeshtra, nesër SPAK do marrë kryetarin e bashkisë Tiranë për shkak të akuzave të bëra nga opozita. Në momentin që del një media kaq e rëndësishme e qeverisë italiane dhe flet për lidhjet e drogës të vëllait të Ramës, e ministrave të ndryshëm, kjo ka një peshë të madhe ndërkombëtare”, u shpreh ai.
Discussion about this post