“Do më vrasë vjehrri”, çfarë tha shqiptari që u kap duke vjedhur

Tre ‘skifterë’ shqiptarë të moshës 22, 25 dhe 43 vjeç kanë rënë në prangat e autoriteteve spanjolle. Mediat shkruajnë se shqiptarët ishin pjesë e një bande të vendosur në Vigo, ku kryenin grabitje banesash.

25-vjeçari dhe 43-vjeçari thanë para autoriteteve se kishin shkuar në Spanjë për punë, kurse më i vogli shtoi se kishte për të bërë një punë si student.

Kur gjykata u shpreh se do të dilte me urdhrin për t’i kthyer në vendlindje, njëri prej tyre deklaroi se ndihej i kërcënuar në Shqipëri, sepse vjehrri i tij donte ta vriste.

Shqiptarët thanë se më parë kishin qenë në Barcelonë, Madrid dhe Coruña.