Kreu i Federatës Shqiptare të Futbollit Armand Duka ka dhënë një lajm të mirë për futbollin. Ai njoftoi se do të ndërtohen tre stadiume të reja, përkatësisht në Durrës, Vlorë dhe Korçë. Duka i cilësoi qytetet në fjalë si me traditë në futboll dhe popuj tifozë në tribuna dhe shkallët e stadiumeve.
“Lajm i mrekullueshëm per futbollin, që fillimin e vitit 2023 ta nisim me nismën për ndërtimin e tre stadiumeve të reja në Durrës, Vlorë e Korçë, qytete me traditë në futboll dhe me një popull futbolldashës në tribuna e shkallët e stadiumeve. Këto tre stadiume do t’i shtohen kolanës së impianteve ekzistuese duke rritur ndjeshëm investimet për lojën e bukur të futbollit. Këto investime së bashku me projektin e “100 fushave” me bashkitë, janë një vlerë e shtuar për përmirësimin e infrastrukturës sportive në vendin tonë”, thekson Duka në mesazhin e tij.
Discussion about this post