Deklaratat e tij kundër Berishës dhe thirrjet për largimin e tij nga PD, Fatbardh Kadilli ka vazhduar edhe pas Kuvendit. I ftuar në një emision televiziv ai ka thënë nëse do të kandidojë për kreun e PD-së në 22 maj dhe Kadilli u shpreh se një garë ku ishte i pranishëm Berisha nuk ishte më garë. “Në një garë ku futet zoti Berisha, ajo nuk është më një garë reale. Mjafton të shihni folësit e sotëm që janë të gjithë figura politike. E nisin fjalimin e tyre duke thënë: i nderuar zoti Berisha. Duhet t’i flasin partisë dhe njëri-tjetrit jo t’i bëjnë lavde kryetarit të vjetër dhe të ri. Kjo mua nuk më pëlqen, sepse tregon mendësi dhe e refuzoj këtë lloj kulture”, u shpreh ai.
Ndër të tjera, Kadilli pranoi disa ndryshime për mirë që kishin ndodhur brenda PD-së, por shtoi se Berisha nuk ishte ajo çfarë i duhej partisë Demokratike. “Duhet të jesh shumë cinik për mos ta pranuar organizimin e primareve, zgjedhjet për krerët e degëve, zvogëlimi i numrit të anëtarëve të Kuvendit etj. Unë e cilësoj veten një kritik dhe propozues. Mbi të gjitha që duke nisur nga momenti që kam shpallur kandidaturën time për kryetar përballë Bashës, kam bërë disa propozime të cilat sot edhe pse jo plotësisht, janë implementuar pjesërisht”, tha Kadilli, ndërsa shtoi se çfarë ka ndodhur në PD në të shkuarën nga Berisha nuk mund të ndodh dhe në të ardhmen.
Discussion about this post