Nuk ka ende asnjë datë nga Gjykata e Apelit për të shqyrtuar kërkesën e Partisë Demokratike (zyrtare) të Enkelejd Alibeajt për procesin e regjistrimit të PD (Rithemelimi). Gjyqtari që ka në dorë cështjen është Agron Zhukri.
Ndërkohë për kë të vendim , deputeti i Partisë Demokratike Dashnor Sula paralajmëroi se do të jetë ai që do ti kërkojë grupit të djathtë parlamentar që të shkojnë para dyerve të gjykatës së Apelit që ky institucion të japë një vendim përfundimtar.
‘Unë po ju them sot, në Shqipëri nuk fitohen zgjedhjet në rrugë politike. Këtu e vetmja shpresë është drejtësia. Kam shpresë që SPAK-u do të japë një shuplakë të fortë politikanëve të korruptuar. Bashkimi i PD-së do të thotë me bazë reale, por nuk mund të kërkohet tek PD një gjë e tillë. Kam bindjen se vendimin e gjykatë së Apelit po e mban peng Edi Rama. Si ka mundësi që nga 24 marsi, që i bie që mos të shqyrtohet një çështje. Pikënisja është gjykata e Apelit. Duhet të shkojmë para dyerve të gjykatës së Apelit, t’i japi fund kësaj sage që rri e zgjatet sa më shumë agonia. Unë do i kërkoj grupit parlamentar të PD-së që javën tjetër të shkojmë pranë zyrave të gjykatës së Apelit që të marrë në shqyrtim këtë çështje dhe të marrë zgjidhje. Nëse do jetë vendimi i Gjykatës tek Berisha tek Komisioni i Rithemelimit aty jam.”, tha Sula i ftuar në emisionin ‘Sot Live në Shqipëri’.
Në prill 2022, gjyqtarja Blerina Muça pranoi ankimimin e Enkelejd Alibeajt kundër vendimit të Shkallës së Parë, që njohu statutin e dalë nga Kuvendi i 11 dhjetorit.
Tashmë beteja për logon dhe vulën e PD-së po zhvillohet në Gjykatën e Apelit, por ende nuk dihet kur do të shqyrtohet çështja.
Discussion about this post