Persona të panjohur telefonuan kanalet televizive greke dhe raportuan se në orën 11:30 do të shpërthente bomba në ambasadat izraelite, egjiptiane dhe amerikane në Athinë.
Media greke Prothotema raporton se alarmi është dhënë mëngjesin e së premtes ku persona anonimë kanë telefonuar televizionet SKAI, Kontra dhe OPEN dhe kanë raportuar se në orën 11:30 do të shpërthejnë bomba në tre ambasadat.
Sipas telefonuesve bombë është vendosur edhe në godinën e Parlamentit.
Forcat e Departamentit të Asgjësimit të Mjeteve Eksplozive ndodhen në vendngjarje. Pas një kontrolli të jashtëm, nuk u gjet asgjë. Një inspektim do të vijojë edhe brenda ambasadave.
Discussion about this post