Apeli i Posaçëm Anti-Korrupsion ka ndryshuar gjyqtarin për seancën lidhur me shqyrtimin e një tjetër kërkese të Ajola Xoxës, bashkëshortes së kryebashkiakut të Tiranës, Erion Veliajt.
Ilirjana Olldashi ka paraqitur raport mjekësor, ndërsa sipas listës së gjyqtarëve të caktuar për raste urgjente, do jetë Engert Pëllumbi që do ta shqyrtojë kërkesën.
Xoxa dhe Shoqëria Partnes Law kanë ankimuar kontrollet e Byrosë Kombëtare të Hetimit dhe sekuestrot mbi disa sende materiale, seancë e cila do të zhvillohet në orën 10:00.
Këtë të mërkurë për disa minuta është paraqitur në SPAK nëna e Ajola Xoxës, Valbona Xoxa, e cila nuk preferoi të komentonte në dalje të organit hetues se për çfarë është thirrur.
Njoftimi i Gjykatës:
Duke qenë se, gjyqtare Iliriana Olldashi ka paraqitur aktin ‘Raport për paaftësinë e përkohshme në punë’, çështja nr. 53, datë 12.02.2025 regjistrimi, regjistruar mbi ankimin e ankuesve A.X., Shoqëria Tregtare “*” sh.p.k., me objekt: “Ankim ndaj vendimit nr. 736, datë 20.12.2024 të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me kundërshtimin e vendimit për sekuestrimin e sendeve”, sipas disponimit nr. 01 Prot., datë 06.01.2025 të Zëvendëskryetarit të gjykatës “Lista vjetore e miratuar që përcakton gjyqtarët për gjykimet e rasteve urgjente”, i kaloi per gjykim trupit gjykues monokratik pasardhës, gjyqtarit Engert Pëllumbi.
Discussion about this post