Gjatë intervistës për Syri.net, ish-presidenti, Ilir Meta i ka konsideruar “gudulisje” hetimet që SPAK ka nisur ndaj tij pas kallëzimit penal nga Halit Valteri. Ai tha se këto janë thjesht lëvizje dramatike që tregojnë kapjen e institucioneve shtetërore. Meta bën përgjegjës Edi Ramën për publikimin e dosjes ku pretendohet se ish-presidenti ka qenë bashkëpunëtor i ish-sigurimit të shtetit.
Pjesë nga intervista:
Meta: Që ta kuptoni, po të kishte shqetësim për këtë çështje, e kishin nisur në SHBA këtë çështje, nuk kishte ngelur këtu ta nisnin këta teveqelët e Shqipërisë. Mes Shqipërisë dhe SHBA ka marrëveshje ekstradimi, kur të kenë dëshirë, nëse ka ndonjë problem ata me mua, vete Ilir Meta atje. Kjo është një përrallë, në SHBA ka dy çështje, gruaja e bilalit. Ka marrë në qafë dhe një shtetas atje. E ka mbyllur çështjen atje. Dhe e dyta është dhe dosja e Muzinit.
Pyetje: Dosja si bashkëpunëtor i ish-sigurimit dhe ky hetim tani, a janë ngjarje të lidhura me njëra-tjetrën? Përpjekje për t’u përjashtuar nga politika?
Meta: Unë i konsideroj gudulisje dhe më argëtojnë. Në raport me opinionin publik, ato janë dramatike sepse tregojnë një kapje të thellë të shtetit dhe institucionet e pavarura. Së dyti, tregojnë se çfarë mund të bëjnë këta me qytetarët shqiptarë që nuk kanë mundësi t’u dëgjohet zëri. Çfarë u ndodhë qytetarëve shqiptarë? Ne kemi qenë dhe jemi gjithmonë për hapjen e dosjeve, edhe në vitin 2015, çdo gjë është bërë në mbështetje të tyre. Në 1 shtator do bëhet publike kallëzimi penal për autoritetin e Manipulimit të Dosjeve. Kanë manipuluar dosjen e një qytetari 19 vjeç me qëllim për të përfshirë edhe gjoja Ilir Metën. Është një gjë e qartë. Ata vetëm kanë stisur dhe asgjë tjetër. E ka provuar personi në fjalë, ka shkuar ka kërkuar dosjen dhe ka parë manipulimin e dosjes së tij. Kjo gjë do të provohet në vazhdimësi. E di shumë mirë, gjithë enturazhin kriminal të përfshirë në këto shkelje të ligjit të të drejtave të njeriut.
Pyetje: Kush fshihet pas kësaj?
Meta: Është Edi Rama pasi pa atë nuk mund të merrej ky guxim. Gjoja për shkak të një e-maili anonim, vendoset autoriteti i dosjeve. Dhe më e bukura është që kanë gati një ligj. Më pas tromakset dhe ajo zonja atje pasi urdhërohet që të tromakset. Qëndrimi im ka qenë, çdo fakt që kanë për Ilir Metën, le t’i bëjnë publike. Është përpjekje e dëshpëruar për të hequr vëmendjen nga 430 mln euro për inceneratorët.
Discussion about this post