Që prej 2 vitesh, pandemia COVID-19 ishte kryefjalë edhe në vitin që lamë pas, por viti 2022 pritet të jetë më i përballueshëm sipas drejtorit të Shërbimit Spitalor Klinik Universitar të Kosovës, Valbon Krasniqi.
Edhe pse varianti Omicron ka shnuar disa raste në Kosovë, i cili njihet si shumë më shumë ngjitës se sa Delta, Krasniqi beson se viti 2022 do jetë vit më i lehtë sa i takon koronavirusit.
“Unë besoj që bota edhe Kosova do ta ketë një vit më të lehtë sa i përket pandemisë marr parasysh shumë faktorë, në radhë të parë tashmë njohuritë që i kemi për virusin, vaksinimin që e kemi në dorë si armë dhe me zbatimin e masave që tashmë janë të njohura sigurisht që bota pres që të kalojë një vit më të qetë” – u shpreh Krasniqi në një intervistë për mediat kosovare.
Edhe ekspertët në Shqipëri janë të të njëjtit mendim, duke e konsideruar Omicron si variantin e fundit të Covid-19 dhe me ndihmën e vaksinimit masiv, do ta kthej pandeminë në një virozë të zakonshme.
Discussion about this post