Tashmë Bjellorusia e ka bërë të qartë se pozicionohet në krah të Rusisë sa i përket tensioneve në Ukrainë. Në një deklaratë për mediat ditën e sotme, Presidenti i Bjellorusisë, Aleksandër Lukashenko thotë se pret të diskutojë me homologun e tij rus Vladimir Putin në ditët në vijim për vendosjen e mundshme të sistemeve mbrojtëse “Iskander” dhe S-400 në Bjellorusi.
“Të enjten ose të premten ne do të flasim me Presidentin e Rusisë se si të forcohemi këtu në drejtimin perëndimor,” i tha Lukashenko agjencisë shtetërore të lajmeve Belta.
Sakaq, ai bëri me dije se kanë të gjithë mundësin që të veprojnë me rraketa dhe plani i tyre është të kontrollojnë situatën deri në Berlin.
“Sot u konsultuam me ushtrinë dhe shohim se do të ishte e dëshirueshme që të vendoseshin Iskanders [sistemet raketore] atje dhe të vendoseshin një ose dy batalione me S-400 diku, në mënyrë që të mund të monitorojmë situatën deri në Berlin.” tha Lukashenko. Situata në Ukrainë parqitet e rëndë, pasi këtë mëngjes Rusia nisi sulmet dhe si pasojë kanë humbur jetën mbi 50 ushtarë rus dhe 40 ushtar ukrainas.
Discussion about this post