"Do të kthehem dhe do të të vras"/ Kërcënonte ish-partneren, arrestohet shqiptari në Itali -

“Do të kthehem dhe do të të vras”/ Kërcënonte ish-partneren, arrestohet shqiptari në Itali

Një shqiptar ka përfunduar në burg në Itali. Karabinierët e Seksionit Operativ të Bërthamës Operacionale dhe Radiomobile të Kompanisë Cassino, së bashku me efektivët e stacioneve Picinisco dhe Vallerotonda, dërguan në qeli 26-vjeçarin që dyshohet për dhunë në familje.

Mediat italiane shkruajnë se i riu kishte një sjellje të dhunshme prej shumë kohësh ndaj ndaj ish-partneres së tij, 27-vjeçares italiane. Shqiptari ( i paidentifikuar) e dhunonte, kërcënonte madje i kishte thënë se do ta vriste.

“Do të kthehem dhe do të të vras me duar”.- iu është drejtuar shqiptari vajzës italiane.

Pasi policia iu vu në ndjekje, shqiptari u arratis. Ai u gjet nga karabinierët në shtëpinë e një vajze 21-vjeçare, me të cilën kishte krijuar një lidhje të re romantike. Karabinierët i gjetën edhe hashash dhe marihuanë me vete.