Ditën e djeshme ka qarkulluar lajmi në të gjithë mediat se për shkak të një metodologjie të e që do të aplikojë ERRU në tarifimin e ujti do të ketë rritje çmime për konsumatorët. Në lidhje më këtë çështje ka reagur vetë Enti Rregullator i Ujit, i cili përmes një njoftim zyrtar ku ka sqaruar se nuk do të ketë një rritje të çmimit edhe pse do kishte një metodologji të re për miratimin e tarifave të Ujësjellësit. Ndërsa ka sqaruar se janë shoqëritë e ujësjellës-kanalizimeve ato që vendosin për tarifat dhe ERRU nuk mund t’iu diktojë ndryshime.
“Theksojmë faktin se, në zbatim të Metodologjisë se vendosjes së tarifave, ERRU shqyrton propozimet e shoqërive ujësjellës kanalizime për çmime (tarifa) të reja për konsumatorët. ERRU analizon këto propozime bazuar në kritere të sakta. Së pari, që kostot e shërbimeve që paraqet shoqëria duhet të jenë të justifikuara, dhe së dyti tarifat duhet të jenë të përballueshme nga konsumatorët.
ERRU nuk detyron shoqëritë UK të paraqesin propozime për çmime të reja për shërbimet UK, dhe pasi analizon propozimet për tarifa të reja nga shoqëritë UK nuk miraton tarifa më të larta se ato që këto të fundit kërkojnë. Është nën vullnetin e shoqërisë, (dhe jo të ERRU-së) që në konsultim me Këshillin Administrativ dhe bashkinë përkatëse të vendosin nëse i duhen propozuar ose jo ERRU-së për miratim tarifa të reja për konsumatorët”, thuhet në njoftim. Ndërsa qytetarët janë shprehur se rritja e tarifës së ujit do të ishte një goditje e fundit për ta, pas rritjes së çmimit të energjisë dhe të ushqimeve.
Discussion about this post