Ilir Kapetani, inspektor pranë Agjencisë së Pronave është lënë sot në burg nga Gjykata e Posaçme Kundër Korrupsionit dhe Krimit të Organizuar.
Në seancën e sotme, GJKKO rikonfirmoi masat detyrim paraqitje për 9 qytetarë të cilët u mashtruan nga inspektori dhe i dhanë para, në këmbim të kthimit apo kompensimit të pronave. Ndërsa dy të tjerë u lanë në arrest shtëpie.
Masat e dhëna:
Ilir Kapetani ‘Arrest me burg’
Arben Lika ‘Arrest shtëpie’
Artur Gashi ‘Arrest shtëpie’
Xhoinaldo Voci ‘Detyrim paraqitje’
Gëzim Teza ‘Detyrim paraqitje’
Dilaver Dervishi ‘Detyrim paraqitje’
Luan Alku ‘Detyrim paraqitje’
Arben Haxhija ‘Detyrim paraqitje’
Jovan Zeka ‘Detyrim paraqitje’
Valbona Bablusha ‘Mosdalje nga vendi’
SPAK pretendon se Kapetani është përfshirë në të paktën 14 episode korruptive. Trashëgimtarëve të ish-pronarëve, ai u ka marrë shuma parash në shkëmbim të premtimit për të siguruar kompensimin financiar, gjatë trajtimit të kërkesave të tyre për kthimin dhe kompensimin e pronës. Në një nga komunikimet me Kapetanit, duket se është nervozuar me qytetarin, ky i bën edhe presion.
“Po shkrove kështu nëpër mesazhe jo lekët, jo stërlekët do të të thyej celularin edhe hundën, dakort? Kaq po të them edhe njëherë… Të kam porositur njëqind herë, mos komuniko fare, as lekë as… Do të të takoj unë ty sot, mirë? Edhe të shohësh ti estradë pastaj, hajd mirupafshim…,”- thotë Kapetani.
Discussion about this post