Anëtari i Presidencës së Bosnjë e Hercegovinës, Millorad Dodik, e ka ftuar presidentin francez Emmanuel Macron në një takim menjëherë pasi ai fitoi zgjedhjet presidenciale ditën e djeshme.
Sipas Klix , Dodik deklaroi se ishte inkurajuar nga deklarata e Macron se do të evokonte për mbrojtjen e demokracisë, ndaj ia kujtoi letrën e 15 nëntorit 2021.
Në një letër, Dodik i kishte bërë thirrje atij ta zhvillonte një takim në dritën e situatës aktuale politike në Republika Srpska dhe BeH, si dhe në Ballkanin Perëndimor.
“Unë jam i hapur për t’u takuar në vendndodhjen sa më shpejt që ta sugjeroni dhe jam gati ta bëj këtë ose në terren neutral sipas zgjedhjes suaj ose në një nga institucionet tuaja. Franca është pa dyshim një nga partnerët më të rëndësishëm të politikës së jashtme dhe tregtare të BeH. Mirëkuptimi dhe mbështetja e Francës dhe e juaja si lider janë të një rëndësie të madhe në këtë kontekst”.
Nga ana tjetër, Dodik arriti në përfundimin se presidenti francez do të ishte në gjendje ta pranonte takimin e propozuar.
“Jam i bindur se takimi i ardhshëm do të jetë një lidhje kyçe për të kuptuar situatën aktuale në BeH, por në të njëjtën kohë një shtysë shtesë për zhvillimin e marrëdhënieve të mira politike dhe ekonomike midis popujve të BeH dhe Francës”.
Kujtojmë se, Dodik më parë kishte lidhje të ngushta me mbështetësit e Marine Le Pen, e cila humbi.
Discussion about this post