Në fjalën e tij të mbajtur në Kuvend, deputeti i Partisë Demokratike Asllan Dogjani ka hedhur akuza ndaj kreut të qeverisë Edi Rama. Për kryeministrin, tha se shqetësohet nëpër konferenca ndërkombëtare për mjedisin, por nuk shqetësohet për ato dhjetëra kontejnerë të mbushura me helme që kanë hyrë tashmë në Shqipëri.
Dogjani preku edhe emigrimin masiv të shqiptarëve nën qeverisjen Rama.
“Dëgjova fjalimin e Edi Ramës në Azerbajxhan, i cili ishte një shembull u shkëlqyer i përkushtimit të tij në mbrojtjen e mjedisit, veçanërisht kur mendon se me angazhimin tij janë 150 tonë mbetje të rrezikshme në Durrës të cilat ishin nisur për në Tajlande dhe u kthyen në Shqipëri. Duket se ndotja e ambientit jashtë vendit nuk është shumë shqetësuese kur këto mbetje të rrezikshme vijnë në shtëpinë tonë. Ai nuk vjen këtu dhe la nam nëpër botë duke u munduar që të japë leksion sepse është mësuar në Kuvendin e Shqipërisë qe flet ai dhe ju e mbani gojën hapur. Ai duhet të fliste se si e ka kapur sistemin e drejtësisë. I vetmi ndryshim masiv që ka bërë Edi Rama është largimi masiv i shqiptarëve. Ndotësi më i madh që ka ndotur shoqërinë shqiptare është Edi Rama”, tha Dogjani.
Discussion about this post