Dy persona kanë rënë në pranga nga policia e Vlorës, pasi dogjën një sipërfaqe toke me ullinj dhe bimësi, ndërsa është proceduar dhe një i mitur.
Të arrestuarit janë Sardi Dalipaj, 26 vjeç, banues në fshatin Bishan dhe Fatmir Rrapaj, 64 vjeç, banues në fshatin Mifol (punonjës të një firme pastrimi) si dhe proceduan në gjendje të lirë për shkak të moshës, E. D., 14 vjeç.
Këta persona në bashkëpunim me njëri-tjetrin, dyshohen se kanë ndezur zjarr, për djegien e mbeturinave, anës rrugës së vjetër Vlorë -Novoselë dhe si pasojë zjarri, i favorizuar dhe nga era, ka dalë jashtë kontrollit duke djegur një sipërfaqe të konsiderueshme toke me ullinj dhe bimësi të ndryshme në fshatrat Panaja dhe Bestrovë.
Materialet i kaluan Prokurorisë së Rrethit Gjyqësor Vlorë, për veprën penale “Shkatërrimi i pronës me zjarr”, kryer në bashkëpunim.
