Fitorja 1-0 ndaj Hungarisë për kualifikueset e Botërorit ‘Qatar 2022’ në ‘Elbasan Arena’ ishte kthimi i shpresës për kuqezinjtë.
Ndërsa të gjithë ishin të emocionuar nga kjo fitore, një detaj jo i vogël ka kaluar pa u vënë shumë re. Armando Broja, i cili ishte dhe autori i golit, në lojë mbajti numrin 17, ndërsa në prononcimet pas ndeshjes ai u pa që kishte veshur një fanellë me numër 15.
Ndonëse kjo mund të konsiderohet edhe si pakujdesi nga ana e lojtarëve pas mbarimit të ndeshjes, duket se me Rei Manaj dhe Nderim Bajramin nuk ka ndodhur e njëjta.
Rikujtojmë se deri para ndeshjes me Hungarinë 10-ta në fanellë mbahej nga Rei Manaj, ndërsa në takimin e fundit të Kombëtares, ndeshje ku lushnjari nuk mori pjesë për shkak të kartonëve, ky numër i kaloi Nderim Bajramit.
Për ndeshjen që do të zhvillohet sot në orën 20:45 mes kuqezinjve dhe San Marinos në ‘Elbasan Arena’, pritet të shihet se cili prej dy yjeve të Kombëtares do mbaj këtë numër./Gijotina.com
