Policia e Lezhës ka gjobitur një të ri, pasi kreu manovra të rrezikshme (drift) me makinën tip “BMW”.
Drejtuesi i makinës, shtetasit Gj. N., në vendin e quajtur “Kryqëzimi i Knallës”, në Shëngjin, pasi kreu drift me makinën, duke u bërë kështu dhe burim aksidenti për vete dhe përdoruesit e tjerë të rrugës, postoi videon në rrjetet sociale.
Për kundërvajtjen e kryer, konkretisht për shkelje të nenit 139, pika 3, të Kodit Rrugor “Drejtuesi i mjetit nuk rregullon shpejtësinë në afërsi të kryqëzimeve duke u bërë rrezik për vete dhe për përdoruesit e tjerë të rrugës”, ndaj shtetasit Gj. N. u vendos masa administrative prej 10.000 lekësh të rinj.
Discussion about this post