Një shqiptar është dënuar me 20 vite burg në Francë, pasi dogji me acid ish-bashkëshorten e tij. Leparisien shkruan se Nexhmedin Dardha u dënua me 20 vite burg nga gjykata në Assize dhe pas përfundimit të dënimit dëbim në Shqipëri.
Por si ndodhi ngjarja?
Dardha me bashkëshorten e tij u ndanë në vitin 2006 pas disa konflikteve që nisën në vitin 2004. Në 2006-ën, Dardha e kreu këtë veprim, pasi ish-bashkëshortja e tij nisi të njihte një person tjetër. Në prezencë të dy vajzave të tij, Dardha hodhi acid sulfurik drejt ish-partneres së tij, duke i shkaktuar asaj djegie të shkallës së dytë të trup dhe fytyrë.
Ndërkohë që për të gjetur acidin, Dardha bashkëpunoi me dy persona të tjerë, të cilët janë shqiptar. Të dy ata janë arrestuar dhe kanë marrë dënimet përkatëse për bashkëpunim. Njëri nga ata u dënua me 10 vite burg, ndërsa tjetri me 5 vite burg. Gjatë procesit gjyqësor një prej bashkëpunëtorëve në dëshminë e tij, tha se Nexhmedini donte ta shpërfytyronte ish-gruan e tij, në mënyrë që mos t’i afrohej askush tjetër.
Në vitin 2006, pas krimit që kreu, ai u arratis nga Franca për në Shqipëri, ku dhe qëndroi deri në vitin 2019. Po në këtë vit, teksa po udhëtonte drejt Italisë, Dardha u zbulua nga patrullat italiane se ishte në kërkim nga Interpoli dhe u ekstradua ne France.
