Një 52-vjeçar është vënë sot në pranga nga Policia e Durrësit për shkak se ka djegur pronën e fqinjit të tij. Mësohet se personi me iniciale J.M banues në Kullë, Durrës , ka djegur disa mbeturina në oborrin e shtëpisë së tij, por flakët kanë dalë jashtë kontrollit, duke djegur shtëpinë e personit me iniciale I.Q.
Policia bën me dije se arrestimi i tij është bërë fal punës që vijon për
për identifikimin dhe vënien para përgjegjësive ligjore të autorëve të zjarrvënieve. Ndërsa njofton se materialet i kaluan Prokurorisë së Rrethit Gjyqësor Durrës, për veprime të mëtejshme, Drejtoria Vendore e Policisë Durrës apelon për të gjithë banorët, që në asnjë rast të mos shkaktojnë zjarrvënie, pasi do përballen me ligjin.
Policia fton qytetarët që të denoncojnë në numrin 112 dhe Komisariatin Dixhital, për çdo rast të zjarrvënies apo të paligjshmërisë në tërësi, duke iu garantuar anonimatin dhe reagim të shpejtë e të paanshëm.
E,H/ gijotina.com/
