Endrit Braimllari i ka kërkuar SPAK që të thellojë hetimet lidhur me inceneratorin e Tiranës, ndërsa thekson se Erion Veliaj ka shpërdoruar detyrën, duke shpërfilluar Këshillin Bashkiak, dhe duke firmosur vetë, i nxitur nga egoja e sëmurë për të mbushur xhepat.
Nënkryetari i Partisë së Lirisë u shpreh se SPAK i ka provat aty prej kohësh, dhe nuk duhet të humbasë më asnjë moment për të vepruar.
Braimllari tha se e gjithë Shqipëria tashmë e di se Erion Veliaj është përgjegjës dhe përfitues kryesor i krimit të ndodhur me inceneratorin e Tiranës që nuk ekziston, pasi me firmën e tij të paligjshme, ai ndryshoi fatin e koncesionit, duke i dhënë dritën jeshile miratimit të tij.
“Me këtë firmë të paligjshme, të vendosur me synim realizimin e vjedhjes më të madhe të shekullit, atë të inceneratorit të Tiranës, Erion Veliaj në kundërshtim me ligjin rrëmbehu me vetëdije kompetencat e këshillit bashkiak duke dhënë miratimin në parim për studimin e fizibilitetit të inceneratorit të Tiranës, atribut ky që është vetëm i keshillit bashkiak dhe jo i kryetarit të bashkisë Tiranë.
SPAK do duhet të shkojë sa më parë në Bashkinë e Tiranës, për të parë se si në raste të ngjashme, ka qenë Këshilli Bashkiak ai që ka dhënë këtë miratim, ndërsa Erion Veliaj ka firmosur në shpërdorim të pastër të detyrës, i nxitur nga egoja e sëmurë për mbushur xhepat me paratë e shqiptarëve.
Por, Erion Veliaj nuk mund të fshihet për rolin e tij shumë të errët në krimin e inceneratorit të Tiranës, edhe sepse, në Komisionin e Dhënies me Koncesion, dy përfaqësuesit e Bashkisë Tiranë, Z. Taulant Tusha dhe Z. Namik Simixhiu, të emëruar nga Veliaj vetë, kanë zbatuar në cdo hap porositë e kryetarit të tyre, dhe bashkarisht janë përgjegjës për përfshirjen e Bashkisë Tiranë në këtë skenë kriminale”, tha Braimllari.
Në vijim, ai thekson se në mbledhjen e komisionit të dhënies me koncesion, të datës 12 Prill 2017, pasi Erion Veliaj kishte hedhur firmën e paligjshme për miratimin e studimit të fizibilitetit, dy përfaqësuesit e bashkisë Tiranë, janë shprehur në Komision se tashmë Bashkia Tiranë është totalisht e angazhuar për rolin e saj në financat që do ti duheshin inceneratorit.
“Në mbledhjen e datës 31 Gusht 2017, komisioni për dhënien me koncesion, ka kërkuar “futjen në kontratë të detyrimit për miratimin e kontratës me Vendim të Këshillit Bashkiak përpara hyrjes në fuqi të saj”, sërish, dy bashkëpunëtor kriminal të Erion Veliaj, Taulant Tusha dhe Namik Simixhiu e kanë refuzuar këtë kërkesë.
Pra, Kryetari i Bashkisë firmos në mënyrë të paligjshme, ndërsa bashkëpunëtorët e tij në komisionin e dhënies me koncesion të inceneratorit të Tiranës, bënin çdo gjë, që koncesioni të miratohej sa më parë, që edhe pagesat e Bashkisë tiranë të nisnin sa më shpejt”, tha Braimllari.
Discussion about this post