Dokumenti/ Kush voton PD pushohet nga puna në Bashkinë Kavajë

Kandidati për Primaret e Partisë Demokratike në Kavajë Fisnik Qosja ka publikuar një denoncim që po ndodh në Bashkinë e Kavajës.

Me anë të një postimi në Facebook, Qosja shkruan se të gjithë punonjësit e kësaj bashkie janë kërcënuar me pushim nga puna nëse votojnë PD-në në zgjedhjet lokale të majit.

Po ashtu Qosja shkruan se edhe pse kjo bashki është e falimentuar, e poshtëruar, nuk e ndal presionin.

Postimi i Plotë:

Bashkia e Kavajës legjitimon presionin për punonjësit e vet. I ka zënë frika, tmerri i ka shkuar deri në palcë, aq sa 6 muaj para zgjedhjeve kanë nisur të mbjellin frikë.

Bashkia e Kavajës, është e falimentuar, e poshtëruar, por prapë presionin nuk e ndal. Si ai i zhyturi që kërkon të të marrë me vete, veprojnë ashtu si vetëm ata dinë, me frikë dhe terror.

Ndonëse duhen edhe 6 muaj nga zgjedhjet lokale, Bashkia e Kavajës ka bërë gati dokumentin e dorëheqjes për të gjithë ata që do të ‘guxojnë’ të votojnë për Partinë Demokratike. Dokumenti është shpërndarë tek punonjësit duke i kërcënuar, këtë herë me një dokument zyrtar.

Janë porositur me fjalë, me vepra e tashmë edhe me dokumente që të mos votojnë PD. I kërcënojnë me bukën e gojës, i nënshtrojnë me letra bakalli që dalin nga zyra e kryetarit, duke kujtuar se me terror do të munden të mbajnë pushtetin e tyre të kalbur.

Zgjedhjet

E kanë të kotë, populli i Kavajës nuk trembet nga burracakë, dhe këtë e kanë treguar që para 30 vitesh, jo sot nga njerëz të dështuar dhe të falimentuar.

Bashkë do ta mposhtim frikën dhe do t’i ‘thyejmë hundën’ këtyre dhunuesve të pashoq, të paaftë të mbajnë as punonjësit e tyre, e jo më një qytet.

Këto janë përpëlitjet e fundit të një regjimi që po i vjen fundi. Bashkë, pas 14 majit do ta shndërrojmë këtë qytet në një model qytetërimi. Do t’i përzëmë nga zyrat luksoze, por të kalbura nga brenda.

Do ndërtojmë themelet për një bashki dinjitoze që të përfaqësoj çdo qytetar tonin.

Mezi e pres përballjen me kundërshtarin me 14 maj, për t’i treguar se frika e terrori tyre nuk tremb më, nuk është më kërcënim, por përpëlitja e fundit para se të dalin nga zyrat të turpëruar dhe të përbaltur. P.s Nuk ju bejne dërman as like dhe share me detyrim, e keni te kotë.