Donaldi ka konfirmuar se programi në bashkëpunim me vëllain e tij në Top Channel, do të realizohet dhe madje ka shtuar se do të vijë së shpejti. Ai nuk ka preferuar të japë detaje, megjithatë gjatë ditës së djeshme ai ka qenë në ambientet e Top Channel. Ajo çfarë mund të thuhet është se ai ka qenë afër Bora Zemanit, të paktën kështu duket nga fotoja e publikuar nga një konkurrent i emisionit të saj Për’Puthen.
Sami Berisha ndau me ndjekësit e tij në Instagram një foto nën shoqërinë e aktorit, ku në mbishkrimin e fotos ka vendosur një emoji “borë.”
Donaldi këto ditë nuk i ka ndalur postimet ku tregon se po përpiqet të rifitojë Borën dhe se i ka kërkuar falje. Mirëpo, e dini çfarë porosie i ka lënë Donaldi konkurrentit të “Për’puthen”?
Burime pranë “Panorama Plus” bëjnë me dije se aktori i ka kërkuar t’i bëjë të fala Borës. Nën shoqërinë e të vëllait, Romeos, dhe njerëzve të tjerë që kanë qenë pranë tyre, ish-banori i “Big Brother VIP” nuk ka ngurruar t’ia kërkojë këtë ‘nder’ Samiut për të cilin nuk ka dyshime se do e mbajë fjalën.
Në foton që “Panorama Plus” ka siguruar binjakët Veshaj shihen duke biseduar teksa ndodhen në ambientet e “Top Channel”. Po të njëjtat burime bëjnë me dije se Donaldi nuk ka shkuar aty për “Për’puthen” sikurse u aludua ditën e djeshme pas fotos me Samiun.
Përkundrazi, moderatori dhe i vëllai shkojnë çdo ditë në ambientet e këtij televizioni pasi po përgatisin emisionin e tyre “Më lër të flas”. Emisioni i tyre që do jetë “Prime Time” pritet të fillojë muajin e ardhshëm dhe do jetë i ngjashëm me emisionin e mëparshëm, “Binjakët show”.
Discussion about this post