Sindrit Guri ka krijuar një garë të fortë midis Kukësit dhe Partizanit. Verilindorët po tentonin të rikthenin ish-lojtarin e Kombëtares, në momentin kur në lojë për të u futën edhe ‘Të kuqtë’ e kryeqytetit. Ai u largua para tre vitesh nga Kukësi në drejtim të Ostende për plot 710 mijë euro.
Kukësi po tentonte që ta rikthente sulmuesin në klub, por duket se pengesë i është bërë Partizani.
Raportohet se nevoja e të pasurit të një sulmuesi që pritet të bëjë ndryshimin në ekip, ka bërë që Partizani të kërkojë shërbimet e Gurit, ndonëse lojtari ka bërë sezonin e fundit pushim për shkak të një dëmtimi.
Megjithatë duket se ai nuk dëshiron të rikthehet në kampionatin shqiptar, ndërsa kërkon që si lojtar i lirë të gjejë një klub në Itali, ku edhe është aktivizuar më parë dhe ka pasur eksperiencë pozitive./Gijotina.com
