Viktima Erigers Mihasi 32-vjeç, i cili dyshohet se ishte objektivi i atentatit të djeshëm në Astir ku humbi jetën edhe komshiu i tij Armando Dumani, kishte filluar të frekuentonte xhaminë në Tiranë.
32-vjeçari kishte një të shkuar të theksuar kriminale, por duket se Mihasi kishte tentuar të ndryshonte rrugë, të linte pas të shkuarën dhe t’i kushtohej një jetë të drejtë dhe më të mirë.
Përmes një postimi Xhamitë e Tiranës tregon se 32-vjeçari po tentonte të shkëputej nga bota e krimit dhe t’i futej rrugës së zotit, por ditën e djeshme atij iu pre jeta në mes pas një atentati mafioz, duke lënë jetimë 3 fëmijë të vegjël.
“Te Zotit jemi dhe vetëm tek Ai një ditë padyshim do të kthehemi! Mbrëmë ia dorëzoi shpirtin Krijuesit të tij Erigers Mihasi i cili u vra në një atentat tek astiri bashkë me shokun e tij. Erigersi sapo kishte filluar të frekuentonte xhaminë duke ju kthyer rrugës së Zotit dhe duke lënë pas tij të kaluarën e errët, mirëpo deshi Allahu ta merte nga kjo botë. Namazi i Xhenazes do të falet sot në varrezat e Sharrës në orën 14:30. “Të gjithë njerëzit janë gabimtarë, po më i miri prej tyre është ai që pendohet te Zoti i tij.” (Profeti Muhamed a.s) Zoti ia pastë pranuar sakrificën për t’iu kthyer rrugës së mbarë, Zoti ju dhëntë durim familjarëve të tij”, shkruhet në postimin e Xhamive të Tiranës.
Erigers Mihasin, 32-vjeç, që u ekzekutua dje në Tiranë bashkë me mikun e tij teksa lëviznin në makinën luksoze në zonën e Astirit. Viktimat kanë qenë të paarmatosur dhe pas kontrollit e mjetit të tyre në vendngjarje gjithashtu nuk është gjetur armë.
Discussion about this post