Ambasada Italiane ka reaguar lidhur me dorëheqjen e Lulzim Bashës nga preu i Partisë Demokratike. Përmes një postimi në rrjetet sociale ambasada Italiane shkruan se me pas këtij vendimi, një fazë e re do të hapet për PD-në.
Gjithashtu në postim theksohet se tani ka shpresë që PD-ja të kalojë krizën.
“Respekt për vendimin e Presidentit Basha për t’u larguar nga posti dhe për kontributin e tij në konsolidimin e demokracisë shqiptare në krye të Partisë. Tani po hapet një fazë e re. Shpresa është që Partia Demokratike të jetë në gjendje të kapërcejë vështirësitë aktuale, të gjejë një shtysë të re unitare dhe të zgjedhë një lidership të ri përmes një procesi sa më transparent, demokratik dhe gjithëpërfshirës. Një demokraci e fortë ka nevojë për opozitë të fortë”, shkruhet në postim.
Discussion about this post