Pas vendimit të Bashës për dorëheqjen nga posti i kryetarit të Partisë Demokratike, nënkryetari Enkelejd Alibeaj doli dhe lexoi në emër të grupit parlamentar të PD-së 3 kërkesat që i drejtoheshin Komisionit të rithemelimit, ku një ndër to ishte tërheqja e Berishës nga vendimmarrja. Ditën e sotme Komisioni i Rithemelimit kishte paralajmëruar mbledhjen e radhës ku pritej edhe një qëndrim në lidhje me propozimet e grupit të PD-së.
Por mesa duket Komisioni i Rithemelimit akoma nuk ka vendosur se çfarë hapi do të marrë. Në një intervistë për mediat, anëtari i Komisionit të Rithemelimit dhe deputeti i PD-së, Flamur Noka, u shpreh se mbledhja e sotme e komisioni të rithemelimit ishte një mbledhje rutinë për çështje pune. Sipas tij, qysh nga fillimi i janarit, selia e PD-së është shndërruar në një bunker dhe se Rama i dha bekimin dhe idenë se si ta bunkerizonte selinë blu.
“Mbledhja e sotme e komisioni të rithemelimit ishte një mbledhje rutinë për çështje pune dhe organizative. Ne në 11 dhjetor kemi vendosur disa detyra për të cilat komisioni është i detyruar që t’i ndjekë hap pas hapi ato. Mbledhja nuk kishte asgjë të veçantë. Që nga fillimi i janarit, për fatin tonë të keq, ajo seli është shndërruar në një bunker. Rama i dha bekimin dhe idenë se si ta bunkerizonte Brava selinë. Ajo edhe sot mbetet si një bunker. Për ne nuk përbën asnjë shqetësim apo shqetësim ajo që thotë Lul Brava. E rëndësishme për ne është që po ecim dhe po luftojmë për të bashkuar demokratët” – tha Noka.
Discussion about this post