Kuvendi ka bërë publike emrat e 10 kandidatëve për vendin vakant të gjyqtarit në Gjykatën Kushtetuese, 1 muaj pas dorëheqjes së Elsa Toskës.
Kjo e fundit dha dorëheqjen më 19 shtator të këtij viti, për arsye personale. Me dorëheqjen e saj, Gjykata Kushtetuese mbeti me 8 anëtarë, nga 9 që ishte më parë.
Elsa Toska u votua nga Kuvendi si anëtare e Gjykatës Kushtetuese, në nëntor të vitit 2019. Me një CV të pasur dhe pas kalimit të vettingut, Elsa Toska u bë një nga 9 anëtarët e Gjykatës Kushtetuese. 48-vjeçarja mori “OK” nga parlamenti, ku u votua me 105 vota pro dhe 2 kundër.
Mes kandidatëve të bërë publike nga Kuvendi ka ish anëtar të KLP dhe KLGJ, ku bie në sy ish kreu i shkarkuar i Këshilli i Lartë i Prokurorisë, Alfred Balla dhe ish kryetarja e Këshillit të Lartë Gjyqësor, Naureda Llagami. Pjesë e listës janë dhe pedagogë si dhe komisioner tek Vettingu dhe në Komisionin e Pavarur të Kualifikimit.
Lista e kandidatëve që kanë shprehur interes për të kandiduar për pozicionin e lënë vakant nga gjyqtarja e Gjykatës Kushtetuese, Elsa Toska:
1. Alfred Balla, ish kryetar i KLP
2. Eris Hysi, juriste, pedagoge
3. Gentian Zyberi, jurist, Pedagog ne Universitetin e Oslos
4. Irena Nino, Komisionere Publike te vetingu
5. Klodian Rado, jurist
6. Naureda Llagami, ish kryetare e KLGJ
7. Nertila Sadedini, juriste, pedagoge
8. Nurihan Meta (Seiti), ish anëtar i KLP
9. Roland Ilia, Komisioner në KPK
10. Sinan Tafaj, jurist, kryetar i shoqatës së të verbërve
Discussion about this post