Avokati i akredituar në Dhomat e Specializuara, Artan Qerkini, ka folur për dorëheqjen e papritur të kryeprokurorit Jack Smith. Ai tha se ky veprim do të shkaktojë vonesa të tjera në gjykimin e ish-krerëve të UÇK-së.
“Besoj se dorëheqja e tij do të shkaktojë vonesa të tjera në fillimin e këtij procesi të stërzgjatur”, tha Qerkini.
Avokati tha është e pazakontë që Smith është kryeprokurori i dytë që po jep dorëheqje nga kjo detyrë. Në një periudhë kaq të shkurtër.
Lexo edhe: Si po zëvendësohen serbët e dorëhequr nga institucionet e Kosovës
Më tej, Qerkini tha se është e nevojshme që pasuesi i Smith t’i përmbahet standardeve profesionale.
“Deri më tani ekipi mbrojtës me të drejtë e ka fajësuar prokurorinë për zvarritjen e procesit. Sepse prokuroria kishte deklaruar se ishte e gatshme për gjykim që nga qershori i vitit 2021. Ndërsa ajo ende nuk i ka dorëzuar të gjitha provat tek mbrojtja. Kështu që për mbrojtjen, e rëndësishme është që të vihet një kryeprokuror që do t’i përmbahej standardeve profesionale dhe standardet për një gjykim të shpejtë dhe efikas. Ngaqë në rastet kur të pandehurit janë në paraburgim, procedura duhet të zhvillohet në mënyrë të posaçme shpejt. Ndërsa deri më tani kemi parë zvarritje të pa nevojshme. Të cilat kanë qenë pasojë e mospunës së prokurorisë”, ka deklaruar ai në media.
“Nuk dua të spekuloj mbi arsyet e dorëheqjes së zotit Smith, mirëpo një gjë është e sigurt, se rasti i prokurorisë nuk është i fortë”, u shpreh ai.
Discussion about this post